مها نصار تدافع عن مسلسل الملك بعد إيقافه

دافعت الفنانة مها نصار عن مسلسل “الملك” وذلك بعد قرار وقف تصوزير العمل ومنعه من العرض من قبل الشركة المنتجة لحين مراجعة أحداثه تاريخيا. وقالت مها نصار عبر حسابها على موقع التواصل الاجتماعي فيسبوك : “كلام الناس فوق راسي من فوق سواء بالسلب أو بالإيجاب حقك تقول اللي انت عايزه بس علشان أحترم كلامك لازم تكون بتتكلم صح وعن وعي ودا مبيتحققش غير بعد المشاهدة الجيدة للعمل”.

مسلسل الملك

وأضافت مها نصار: انا حابه  أوضح حاجه صغيره احنا بنعمل عمل درامي مستوحى من التاريخ وليس فيلما وثائقيا عن الملك أحمس وإلا كنا هنعمل اللي في التاريخ بالظبط إن الملك أحمس اتجوز اخته لان في العصر ده كان جواز الاخوات عادي. وأوضحت مها نصار: لكن احنا بنعمل رواية اسمها  كفاح طيبه للأديب العالمي نجيب محفوظ اللي قرأ الرواية  هيفهم كلامي كويس .. الأديب كان ليه رؤية مختلفة من خياله ودكتور زاهي حواس في كلام سابق لما قرأ الرواية قال إنها مستوحاه من التاريخ وليست التاريخ.

وتابعت مها : فأنا مستغربه جدا لكلام دكتور زاهي حواس دلوقتي  !!! .. مدام المخرج بيعمل روايه من خيال الكاتب ومستوحاه من التاريخ ودا طبعا مكتوب علي المسلسل فمن حقه يبدع ليه نحصر الفن في دايره ضيقه ونلف فيها  !!!كلنا التزمنا بالرواية  ودا بيحصل في العالم كله ومش جديد  أنه يضيف شخصيه جديده يغير شكل الممثلين يموت شخصيه يطلعنا بنطير هو حر ..ولو كنا صبرنا كنا هنلاقي الكلام دا علي التتر  ...الفن للمتعه  والحكم دايما بيبقي فيه للجمهور اللي احنا بتشتغل علشانه.

قد يهمك أيضــــــــــــــــًا :

مها نصار تؤكد أنها رفضت الأدوار الرومانسية و"أمينة" في "طايع" مختلفة

مها نصار تنتظر رأي الجمهور في مسلسل "بين عالمين"