تامر حسني يحيي حفلاً غنائيًا في قطر ثاني أيام عيد الفطر

يستعد المطرب تامر حسني لإحياء حفل غنائى ضخم ثاني أيام عيد الفطر المبارك على مسرح المياسة بمركز قطر الوطني للمؤتمرات.الحفل يبدأ فى تمام الساعة الثامنة مساء ويشارك تامر حسني الحفل الدي جي رودج.ومن المفترض أن يقدم تامر حسني خلال هذا الحفل مجموعة متنوعة من أشهر أغانيه القديمة والجديدة بالإضافة إلى أغاني أحدث أفلامه بحبك والتى حققت نجاحا كبيرا فور طرحها.

نصائح تامر حسني لجمهوره على السوشيال ميديا
وجّه الفنان تامر حسني رسائل خاصة لـ متابعيه عبر صفحته الرسمية على موقع التواصل الاجتماعي "فيس بوك".

وكتب تامر: "فجر جميل وكله بركات إن شاء الله للجميع.. لفت نظري في تعليقاتكم إن في ناس كتير مش عارفين يوصلوا و ينجحوا وحاسين ان كل شيء سيء ملازمهم وفاكرين انهم منحوسين  ومصدقين ان حظهم وحش عشان مفيش اي نجاح بيحققوه ومش عارفين السبب أنا هشاور  على سبب مهم وخطير من قراءتي كتير في اللي هقوله دلوقت".

وأكمل :"طبعاً هقول سبب غير الأسباب المعروفة زي لو علاقتك سيئة بربنا او بوالديك وأهلك .. هقول سبب ممكن يكون مش في دماغ كتير مننا ،، كتير من صدمات حياتك سواء ليك ذنب فيها او ملكش ذنب فيها او لو ناس خذلوك او كسروك لو ناس مش كويسة نجحوا وانت شخص كويس ومعرفتش تنجح.. ركز في اللي جاي" .

وأضاف :"(عقلك الباطن) ممكن يبقى هو السبب.. يعني انت السبب ورا كل ده عشان عقلك الباطن بعد الصدمات و بعد كل جرح خزن معاني غلط و اقنعك بيها انها صح زي  انك شخص قليل متسواش وملكش قيمة وخزن إن الطيبة مش كويسة ولازم تبقى شرير عشان تعرف تعيش".

وأشار :" خزن إن الناس اللي غلط ربنا اداهم و خدوا حقهم و المجتهد و المحترم مبياخدش حقه و الأفكار الغلط اللي اتسجلت دي 
عمال يطلع منها كل سلوكياتك الوحشة اللي بتجذبلك كل الوحش و تلاقي نفسك محبوس مابين الغلط اللي جواك و الغلط اللي بتخرجه براك و كمان انت مأذي منه انت واللي بتتعامل معاهم فبتنجح في صنع طاقات سلبيه رهيبة حواليك تزيدك في هدم نفسك  تخيل كل ده وانت مش عارف انك انت السبب ،عقلك الباطن بيخليك تصدق  نتايج صدماتك اكتر من وعود ربنا 

  قـــد يهمــــــــك أيضــــــاُ : 

تامر حسني يُوجه رسالة لجمهوره مستعيناً بمشهد من فيلمه "بحبك"

تامر حسني يكشف عن بطلة فيلمه الجديد «تاج»