علمي طفلك كيف يحافظ علي البيئة بأساليب مختلفة

علموا أولادكم ييبقوا أصدقاء للبيئة وإزاي يحافظوا عليها لأنها المكان الوحيد اللي ينفع نعيش عليه

خلوا التوعية البيئية والنشاط البيئي جزء مهم من التعليم ,

1- فهموا أطفالكم أن الأرض مكان جميل لو حافظنا عليه هيبقى سعيد ومبسوط وهنعيش من غير أمراض وهيمنحنا الطعام والشراب بنسبه أكبر , و لو أحنا أهملنا فيه أكيد هيبقى زعلان وهيحصل كوارث بيئية كتيره

2- علموهم يستخدموا أقل في كل حاجه

– الأكل أقل لانك لو أكلت اكتر من حاجتك جسمك هيتضر وفي نفس الوقت في ناس كتير لا تملك المال علشان تشتري الطعام قال الله : وَلاَ تُسْرِفُواْ (31) سورة الأعراف

– يستخدموا مايه أقل في غسل اديهم وفي الاستحمام قال النبي -صلى الله عليه وسلم-: (كل واشرب والبس وتصدق في غير سرف ولا مخيلة) فالمؤمن مأمور بالاقتصاد في كل شيء منهي عن الإسراف في كل شيء حتى الماء حتى في الوضوء والغسل يقتصد.

-يستخدموا كهربا أقل الكهرباء لان مصادر الطاقة مع الاستخدام الكتير ممكن تنعدم

– أى غرفة مش قاعدين فيها لازم يطفوا أنوار الغرفة

3- أعادة الأستخدام كنز كبير لازم تعرفوا عيالكم بيه ولازم تقروا كتير عنه يعنى مثلا البلاستيكات وصفائح الكانز والمعلبات بيتعملها اعادة تدوير وتستخدم اكتر من مره

– بواقي الطعام اللي مينفعش يتاكل تانى بيتعمل كسماد للأرض وبيساعد الارض على الخصوبة

-مش لازم يبقى فيه مصنع علشان يبقى فيه اعادة تدوير فيه ألف موقع بيقدملك أفكار جاهز لأعادة التدوير