هند عاكف تتحدث عن موقفها مع حسين فهمي وترد على الانتقادات حول سلوكها

انتشر على مواقع التواصل الاجتماعي فيديو ظهرت فيه الفنانة هند عاكف وهي تلاحق الفنان حسين فهمي في محاولة لالتقاط صورة معه على السجادة الحمراء في ختام مهرجان القاهرة السينمائي بدورته الـ45.

وبحسب الفيديو، بدا النجم الكبير وهو يحاول التهرب منها مما وضعها في موقف محرج للغاية وأثار التساؤلات حول سبب هذا الرفض.

وكشفت الفنانة المصرية في لقاء مع إحدى الفضائيات المصرية سبب الواقعة عن حبها الشديد وإعجابها بالفنان الكبير قائلة "أولا الأستاذ حسين فهمي أنا بعشقة ولما اشتغلت معاه قلت له كده إني كان نفسي اشتغل معاه، وأنا بحبه جدا جدا وكان فتى أحلامي ولما بشوفه بحب أقف مش أطارده أنا لو طولت أقعد تحت بيته أشوفه وهو طالع ونازل هعمل كده".

وبالنسبة للفيديو الذي أثار الجدل على مواقع التواصل، قالت عاكف "أنا هنا كنت سلمت عليه أول ما دخلت وباركت له وسلم عليا وقالي ميرسي وقولت أنا عايزة أصور فيديو أنزله على السوشيال ميديا كذكرى وأقوله ألف مبروك نجاح المهرجان وأشكره على مجهوده وفضلت متابعاه لغاية لما يبقى لوحدة مش هروح أصور وهو معاه ناس وجيت أقوله أصور قالي مش وقته يا هند لأنه رايح يستقبل ضيوف المهرجان على الريد كاربت ولازم أنا أحترم دا، فقلت طيب، الناس متعرفش هو قالي إيه".

وتابعت هند عاكف: "مين بقى اللي بيراقبني وبيصورني ودا الغلط مش من حق أي حد أنه يقتحم دي خصوصيات مينفعش أبقى ماشيه وحد ماشي بالكاميرا ورايا لو أعرف كده كنت أخدت الموبايل، ليه بيعملوا مشاكل وعايزين يبوظوا علاقتي بأساتذتي أنا أقعد استنى عادي حسين فهمي".

وأكملت هند عاكف: "الناس اللي بتتكلم أستاذ حسين فهمي عايزة اشكره لأنه هو اللي دعاني على المهرجان السنة دي في الافتتاح والختام وهو أستاذي الكبير وفي علاقة زمالة وأنا بحبه مينفعش حد يقول كده عيله وهو بيتصور مع كل الناس".

وانقسمت ردود الأفعال حول الفيديو بين من اعتبر أن هناك مشكلة سابقة بينهما وبين من رأى أن الفنان حسين فهمي كان قاسيا معها وبين من اعتبر تصرفها وإلحاحها مزعجاً.

قـــد يهمــــــــك أيضــــــاُ : 

يسرا توضح حقيقة خلافاتها مع حسين فهمي

محمود حميدة يعلق على عمل حسين فهمي بعد وفاة شقيقه